E quaand ch l'è nassüü suta una loena caputàda
la sciguèta l'ha vusaa e la sua mama l'è scapàda
se regordi che'l ciel l'ha piangiüü per un mees
e la geen la tremava in tütt el paees...
El sò pà l'era un fantasma l'è mai cumparii
el sò zio "Pulentauncia" l'era sempru ciucch tradii
el sò nonu selvàdech l'ha faa vegnì graand
cunt'in man un fulcén e senza müdaand

Per tücc i geent nurmai e anca per i sciur
el sò nom l'era Bestia "castigh del Signuur".
Fiöö de'n tempural e de 'na stèla sgavezzàda
el te tajava el còll cumè fa una cicada

La sua facia la faséva pagüra ai serpeent
e se te l'incrusàvet gh'era puuch de vèss cunteent
l'era cumé un diavul vegnüü de la muntagna
el gh'era propi i öcc del lüff quand el cagna
El viagiàva in de la neev in sö la facia dell'invernu
el vegniva giò del munt e 'l menava adréè l'infernu
l'era sempru spurceleent e vestii cun't un sacch
l'era el Bestia, bestia grama el sò fulcèn l'era mai stracch

Per tücc i geent nurmaai....

Un dé al lavatoj el se vardàva in un sedèll
e quel che'l vedeva l'era mea pö taant bell
gh'era lé anca una tusa e l'era bèla cumé 'l suu
lüü 'l g'ha daa el sò fulcén e nissoen l'ha piö vedüü
E spiava quèla tusa quand la nàva giò a lavà
perchè ghe piaséva sentila cantà
el sentiva el coer verdess cumé un fiich
lei era una rosa... e lüü un mazz de urtiigh

Per tücc i geent nurmaai....

Send "El Bestia" Ringtone to your Cell